Тошкентда ёнида ҳомиладор аёли бор ҳайдовчига ҳужум қилган ота ва ўғилга ҳукм ўқилди.

Ҳужум оқибатида аёлни ҳомиласи тушиб қолганди...

Яккасарой тумани жиноят ишлари бўйича суди Жентра ҳайдовчисига ҳужум қилинганлик ишини кўриб чиқди. Бу ҳақда Тошкент шаҳар суди матбуот хизмати хабар берди.

Суд 24 ёшли эркак ва унинг 55 ёшли отасини гуруҳ бўлиб содир этилган безориликда айбдор деб топди.

Дастлаб улар қасддан оғир тан жароҳати етказишда айбланган, аммо суд-тиббий экспертиза жабрланувчининг рафиқасида фақат енгил жароҳатлар борлигини аниқлади. Ҳодисадан олдин ҳомиладорликни тасдиқловчи тиббий ҳужжатлар тақдим этилмагани сабабли, ҳомила тушиши ҳақидаги хабар тасдиқланмади.

Натижада айблов безорилик деб қайта таснифланди.

Суд ҳар икковига икки йиллик озодликни чеклаш жазосини тайинлади. Ҳибсда ўтказилган вақтни ҳисобга олган ҳолда, охирги жазо 1 йил 6 ой 24 кун озодликни чеклаш жазоси бўлди.