Теlegramʼда номаълум аёл ва фарзандининг суратлари тарқалиб, улар ўз уйида ис газидан заҳарланиб вафот этгани хабар берилган. Ҳолат Тошкент шаҳар прокуратураси томонидан ўрганилган.
Аниқланишича, 7 апрель куни соат 21:15 да Миробод туманида жойлашган уйнинг бирида 25 ёшли аёл ва унинг 8 ойлик ўғли ўлик ҳолда топилган.
“Марҳумларнинг ўлим сабабини аниқлаш мақсадида суд-тиббий экспертизаси тайинланган. Ҳозирда терговга қадар текширув ҳаракатлари олиб борилмоқда”, дейилади расмий маълумотда.
