Тошкент вилоятида қум-шағал ноқонуний қазиб олинишидан қарийб 2 млрд сўм зарар етказилди

Тошкент вилоятининг Пискент туманида қум-шағал аралашмаси ноқонуний қазиб олингани аниқланди.

Бош прокуратура матбуот хизматининг маълум қилишича, сунъий балиқ ҳовузи ташкил қилиш учун ажратилган 19,34 гектар ер майдонидан ноқонуний равишда ишлов берилмаган 56 750 метр куб миқдорида қум-шағал аралашмаси ноқонуний қазиб олинган.

Бунинг оқибатида давлат ёки жамият манфаатларига 1 миллиард 808 миллион сўм қийматда — жуда кўп миқдорда зарар етказилгани аниқланган.

Маълумот учун,

• президент фармони билан Чирчиқ, Сангзор, Зарафшон, Норин, Қашқадарё ва Сурхондарё, Сирдарё дарёлари ўзанларидаги норуда материалларни қазиб олишга 2024 йил 1 майдан муддатсиз мораторий жорий қилинади.
• Ноқонуний қазиб олиш ишлари натижасида табиатга етказилган зарар учун жавобгарлик ҳам кучайтирилади.