Тошкент шаҳри марказидаги Magic City'нинг эгаси ўзгаргани маълум бўлди

Шаҳарнинг собиқ ҳокими Жаҳонгир Ортиқхўжаев Сурхондарёдаги «Бизнес марафон» тадбирида айтишича, у 7 та компанияси, хусусан Magic City'ни ҳам сотган.

Эслатиб ўтамиз, Magic City 2017-2021 йиллар давомида қурилган бўлиб, бунинг учун Миллий боғ ҳудудининг 20 гектардан ортиқ қисми ўша пайтда AKFA компаниясига алоқадор бўлган Stargate Systems'га 49 йилга ижарага берилган.

Очиқ манбаларда бу фирманинг ҳозирги 100 фоизлик эгаси сифатида Абдувоҳидов Алишер Абдужабборович кўрсатилган. Маълумот учун, Жаҳонгир Ортиқхўжаев ва Ўзбекистон президентининг собиқ маслаҳатчиси Абдужаббор Абдуҳидов ўзаро қуда ҳисобланади.