Американинг “Frontier Communications” телекоммуникацион компанияси юзлаб мамлакатларнинг қидирув тизимлари фойдаланувчиларининг сўровларини таҳлил қилди.
Унга кўра, 22 мамлакатда, шу жумладан, Туркия, Исроил, Литва, Арманистон, Таиландда кўп маротаба қидирилган 1992 йилда суратга олинган “Форрест Гамп” картинаси етакчига айланди.
Шу асосда рейтинг муаллифлари ушбу фильмни 90-йилларининг энг оммабоп фильми дея эълон қилишди.
Иккинчи ўринни 20 та мамлакатда энг кўп томоша қилинган “Уйда ёлғиз” (1990) фильми забт этди.
Фахрли учинчи ўрин эса 16 мамлакатда фаол қидирувда бўлган “Юра даври боғи” (1993) картинасига насиб этди.
