The New York Times нашри манбаларига таяниб хабар беришича, Украинадаги урушни якунлаш бўйича музокаралар доирасида Россия АҚШга хориждаги «Лукойл» активларини ҳам қамраб олиши мумкин бўлган иқтисодий битим тузишни таклиф қилган.
Нашр маълумотларига кўра, Россия президенти Владимир Путин бу ғояни 5 сентябрь куни Кремлда АҚШ президенти Дональд Трампнинг махсус вакиллари Стив Уиткофф ва Жаред Кушнер билан учрашувда муҳокама қилган.
Америка томони, NYT таъкидлашича, таклифни ўрганишга рози бўлган. Эҳтимолий битим Вашингтон ва Москва ўртасидаги ишончни мустаҳкамлаш, шунингдек, жаҳон энергетика бозоридаги нархларни пасайтириш воситаси сифатида кўриб чиқилмоқда.
Шу билан бирга, нашр эҳтимолий манфаатлар тўқнашувига эътибор қаратган. «Лукойл»нинг хорижий активларини сотиб олишга даъвогарлар орасида Трамп тарафдори бўлган миллиардер Тодд Боули, Жаред Кушнер ва Иванка Трамп билан боғлиқ Қатар конгломерати, шунингдек, Стив Уиткофф билан алоқадор Абу-Даби инвестиция фонди тилга олинмоқда.
NYT маълум қилишича, Кушнер ёки Уиткофф эҳтимолий битимдан шахсан манфаат кўришига далиллар йўқ. Бироқ газета Трамп маъмуриятидаги бизнес алоқалари ва геосиёсий масалалар ўртасидаги яқин боғлиқликка эътибор қаратган.
Нега Исроил Ўзбекистонга қизиқиб қолди?
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
