“Тинчлик Кенгаши” БМТнинг муқобили эмас – эксперт

Трамп ташкил этаётган “Тинчлик Кенгаши”ни тўлақонли халқаро тузилма деб аташга, уни БМТга муқобил деб ҳисоблашга ҳали эрта, деди Иқтисодиёт Олий мактаби (ВШЭ) таҳлилчиси Тигран Мелоян @Sputnik нашрига.

"Ҳозирда бу ҳатто халқаро ташаббус ҳам эмас, балки ягона Америка президентининг ғояси. Бу бир қатор мунозарали масалалар, келтириб чиқармоқда. Жумладан унинг тўлиқ АҚШ президенти томонидан бошқарилиши ва унга фақат Оқ уй таклифнома юборганлар аъзо бўла олиши масалалари", - деди Мелоян.

Бундан ташқари, бундай кенгашларнинг ташкил этилиши БМТ фаолиятини ва унинг тинчликпарварлик функцияларини сусайтиради, деб қўшимча қилди мутахассис.