TikTok 2025 йилнинг иккинчи чорагида платформа бўйлаб ҳамжамият кўрсатмаларини бузган 189 миллиондан ортиқ видеони ўчириб ташлаганини маълум қилди.
Компаниянинг ҳисоботига кўра, апрель–июн ойларида TikTok’da жамият қоидаларига зид бўлган контент фаол равишда аниқланиб, 99% дан ортиғи фойдаланувчилар хабарисиз, 90% дан ортиғи эса бирор марта ҳам кўрилмасдан ўчирилган. Шунингдек, билдирилган контентнинг 80,6 фоизи ўртача икки соат ичида платформадан олиб ташланган.
Туркияда шу давр ичида 4,4 миллиондан ортиқ видео қоидабузарлик сабабли ўчириб ташланди. Бу видеоларнинг 99,4 фоизи фойдаланувчи хабаридан олдин аниқланган, 97 фоизи эса 24 соат ичида тизимдан йўқ қилинган.
TikTok жонли эфирлар орқали ҳам назоратни кучайтирган. Ҳисоботда қайд этилишича, йилнинг иккинчи чорагида ҳамжамият қоидаларини бузган 36 миллиондан ортиқ жонли трансляция ўчириб қўйилган. Бу кўрсаткич аввалги даврга нисбатан қарийб икки баробар ошган.
Ёшлар хавфсизлиги устувор йўналиш
TikTok маълумотларига кўра, ўчириб ташланган видеоларнинг 30,6 фоизи сезгир контент, 30,5 фоизи эса тижорат фаолияти билан боғлиқ бўлган. “Ёш фойдаланувчилар учун рақамли хавфсизлик” сиёсати доирасида олиб ташланган контентнинг 94,4 фоизи кўрилишдан олдин йўқ қилинган.
Бундан ташқари, 13 ёшдан кичик фойдаланувчиларга тегишли 25 миллиондан ортиқ аккаунт ҳамжамият қоидаларини бузганлик учун ўчириб ташланган.
Апрель–июн ойлари оралиғида эса реклама сиёсатини бузган 8 миллиондан ортиқ реклама платформадан олиб ташланган. TikTok бу чораларни “рақамли фаровонлик ва хавфсиз муҳитни таъминлаш” мақсадида амалга оширганини таъкидлади.
Янгиланган Cobalt'нинг нархи эълон қилинди
Дунёдаги энг қашшоқ давлатлар
Эрдўған туркий халқлар, жумладан ўзбекларнинг ҳаётини енгиллаштирмоқчи
