Стетоскоп ихтиро қилинишидан аввал шифокорлар ўз беморларининг юрак уришларини қулоғини унинг кўкрагига қўйган ҳолда эшитиб кўрар эдилар.
Аммо ушбу усулнинг самараси жуда кам бўлган. Масалан, агар беморда сезиларли даражада ёғ қатлами юзага келган бўлса бу услубнинг умуман фойдаси йўқ эди.
Француз шифокори Рене Леннек айнан мана шунақа вазиятга дуч келиб қолган ва беморларидан бирининг кўкрак соҳасида ёғ тўпланиб қолгани туфайли унинг юрак ритмини аниқ баҳолай олмаган
У ўпка ва юракдан таралаётган овозларни кучайтира оладиган, ёғочли найча шаклида “стетоскоп”ни ихтиро қилди. Овоз кучайтиришнинг бу принципи бугунги кунга қадар ўзгаргани йўқ.
