"Таклиф учун миннатдормиз, бироқ уни рад этишга мажбурмиз"

Испания Трампнинг Ғазо бўйича “Тинчлик кенгаши”га аъзо бўлмагани сабабини тушунтирди

“Узоқ мулоҳазалардан сўнг Испания “Тинчлик кенгаши”да иштирок этмасликка қарор қилди. Таклиф учун миннатдормиз, бироқ уни рад этишга мажбурмиз. Мазкур кенгаш БМТ доирасидан ташқарида фаолият юритади. Унда Фаластин миллий маьмурияти вакиллари йўқ. Ғазо ва Ғарбий соҳил келажагини фаластинликларнинг ўзи ҳал қилиши лозим”, деди Испания бош вазири Педро Санчес.

Маълумот учун, АҚШ президенти Доналд Трамп томонидан таъсис этилган Тинчлик кенгашига кўплаб давлатлар таклиф этилди ва у халқаро можароларни ҳал қилиш учун Бирлашган Миллатлар Ташкилоти (БМТ) билан ҳамкорлик қилишини эълон қилди. Куни кеча низоми имзоланган Тинчлик кенгашига жами 22 давлат, жумладан, АҚШ ҳам аъзо бўлган.