Таиланд ҳарбийлари икки давлат ўртасида узоқ вақтдан бери давом этаётган ҳудудий можаро авж олган бир пайтда Камбоджа билан чегарадан ўтиш пунктларини деярли барча саёҳатчилар, жумладан, сайёҳлар ва савдогарлар учун ёпди, деб хабар беради The Guardian.
Таиланд армияси ва денгиз флоти баёнотларига кўра, етти провинцияда Камбоджа билан чегарани кесиб ўтиш барча транспорт воситалари ва одамлар, ҳам Таиланд, ҳам чет элликлар учун тақиқланган.
Камбоджа ва Таиланд ўртасидаги таранглик май ойида баҳсли чегарада қисқа муддатли ҳарбий тўқнашув натижасида камбоджалик аскар ҳалок бўлганидан сўнг кескинлашди ва бу икки томоннинг қасос олишига сабаб бўлди.
Можарони ҳал этишда сиёсий инқирозга дуч келган Таиланд Бош вазири Пхетхонгтхан Чинават душанба куни қуруқлик чегараларида текширув кучайтирилишини ва фақат айрим ҳолларда, масалан, даволанишга муҳтож беморлар ёки ўқишга кетаётган талабалар учун истиснолар қилинишини айтди.
Чегаранинг охирги ёпилиши иккала давлат томонидан бир қатор жавоб чоралари ортидан содир бўлди. Охирги ҳафталарда Камбоджа Таиланд фильмларини телевидение ва кинотеатрларда намойиш қилишни тақиқлади ҳамда Таиланддан мева, сабзавот, газ ва ёқилғи импортини тўхтатди. Таиланд чегара назоратини кучайтирди ва иккала давлат бир-бирининг фуқаролари учун виза муддатларини қисқартирди.
Баёнотларга кўра, чегара чекловлари Убонратчатхани, Сурин, Бурирам, Сисакет, Са Кео, Чантхабури ва Трат провинцияларига тегишли.
Абдуқодир Ҳусанов «Барса»га ўтиши мумкин — Деку уни «келажак ҳимоячиси» деб билади
Доллар курси яна кескин «қулади»
Исроил Эрон билан уруш тугаганини расман эълон қилди
