Таиланд Конституциявий суди бош вазир Паэтонгтхан Шиннаватрани вазифасидан вақтинча четлатиш ҳақида қарор қабул қилди. Бу қарор Камбоджанинг собиқ бош вазири, ҳозирги Сенат раиси Хун Сен билан телефон орқали бўлган шубҳали суҳбат ортидан юзага келган этик можароларга боғлиқ ҳолда қабул қилинди.
Судга тақдим этилган маълумотларга кўра, 36 нафар сенатор Шиннаватрани этик қоидаларни бузганликда айблаб, унинг ҳаракатлари давлат раҳбарлигига бўлган жамоатчилик ишончига жиддий шубҳа туғдиришини билдиришган.
🔹 Конституциявий суд овоз бериш йўли билан қарор қабул қилди:
– 7 нафар судья — четлатиш тарафдори,
– 2 нафар судья — қарши.
Ҳозирда бош вазир вазифасини унинг ўринбосари вақтинча бажаради. Суд жараёни якунлангунга қадар Шиннаватра фаолиятини тўхтатади.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
