Интернетда Путин ҳақидаги “Кремл сеҳргари” фильмидан янги кадр пайдо бўлди

Интернетда Джуд Лоу Владимир Путин ролини ўйнайдиган “Кремл сеҳргари” фильмидан янги кадр пайдо бўлди, деб ёзади Variety.

Владимир Путин ролини ижро этган Джуд Лоунинг ёнида президентнинг “маслаҳатчиси” Вадим Баранов ролида актёр Пол Дано турибди. У президент маъмурияти раҳбарининг собиқ биринчи ўринбосари Владислав Сурковга асосланган.

Фильмнинг премераси 31 август куни Венеция кинофестивалида бўлиб ўтади.

Фильм ёзувчи Жулиано да Эмполининг шу номдаги китоби асосида суратга олинган. У 2022 йилда нашр этилган ва Bloomberg маълумотларига кўра йилнинг энг яхши китоблари рўйхатига киритилган.