Берлинда Германия тарихидаги энг қиммат автобан участкаси – А100 йўлининг янги қисми очилди. Бу йўлнинг ҳар бир метри бюджетга 225 минг еврога тушган, деб хабар берди DW.
Йўлнинг узунлиги 3,2 километрни ташкил қилади, қурилиш ишлари эса 12 йил давом этган. Олти қаторли магистраль ер остида 7 метр чуқурликда барпо этилган. Лойиҳа ишлаб чиқиш жараёнида ҳатто кўршапалаклар ҳаётига келиши мумкин бўлган хавф ҳам ҳисобга олинган.
Янги автобан участкаси Берлинга яқин шаҳарлардан ишга қатнайдиган одамлар учун йўлни енгиллаштириши ва шаҳарнинг айрим турар-жой ҳудудларидаги юкламани камайтириши кутилмоқда.
Шу билан бирга, лойиҳа танқидга ҳам учраяпти. Танқидчиларнинг айтишича, бу йўл аксинча, автомашиналар сонини ошириб, шаҳарнинг экологик ҳолатини ёмонлаштириши мумкин. Шунингдек, Берлинда мавжуд йўллар ва кўприкларни таъмирлашга, темирйўл инфратузилмасини яхшилашга маблағ етишмаётган бир пайтда, бундай қиммат автобан қуриш мантиқсиз ҳисобланади.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
