Сурия Исроил билан хавфсизлик бўйича келишувга эришишга ҳаракат қилмоқда

Сурия Исроил билан хавфсизлик бўйича келишувга эришишга ҳаракат қилмоқда — Аҳмад аш-Шаръа.

Сурия муваққат президенти бу ҳақда Al Jazeera телеканалига берган эксклюзив интервюсида маълум қилди.

Унинг айтишича, бир қатор давлатлар воситачилигида тайёрланаётган мазкур хавфсизлик келишуви келажакда томонлар ўртасида кенг қамровли тинчлик ўрнатишга замин яратиши мумкин.

Аҳмад аш-Шаръанинг таъкидлашича, Сурия Исроил билан ҳар қандай тўқнашувдан қочмоқда ва хавфсизлик келишуви инқирозни янада кенгроқ ва ҳар томонлама ҳал этишга йўл очиши мумкин.

Шу билан бирга, у бундай келишув Суриянинг Исроил томонидан босиб олинган Жўлон тепаликларига бўлган даъвосидан воз кечишини англатмаслигини таъкидлади.