Microsoft асосчиси Билл Гейтснинг башорат қилишича, кейинги беш йил ичида сунъий интеллект ҳамма учун трансформатив технологияга айланади. Бу ҳақда CНН хабар бермоқда.
Нейрон тармоқларнинг пайдо бўлиши кўпчиликни хавотирга солмоқда: одамлар технология миллионлаб одамларнинг иш ўринларини йўқотишига олиб келишига ишонишади. Шу ҳафта Халқаро Валюта Жамғармаси сунъий интелект бўш иш ўринларининг тахминан 40 фоизига таъсир қилиши мумкинлигини хабар қилди.
Миллиардер эса бу фикрга қўшилмайди ва ҳар бир янги ихтиро пайдо бўлиши билан доимо қўрқув пайдо бўлишини, лекин кейин янги имкониятлар пайдо бўлишини эслатади.
Унинг таъкидлашича, шунга ўхшаш нотўғри қарашлар илгари, масалан, қишлоқ хўжалиги машиналари пайдо бўлган 1900-йилда ҳам мавжуд эди. Фермерлар орасида хавотир уйғонганига қарамай, бу янги касблар - муҳандислар, машина механиклари, конвеерлар пайдо бўлишига олиб келди ва одамлар энди фақат қишлоқ хўжалиги билан шуғулланмайди.
Гейтснинг таъкидлашича, сунъий интеллект барчанинг ҳаётини осонлаштиради, хусусан, у шифокорларга оддий қоғоз ишларида ёрдам беради, аксарият одамлар бу жараённи бажаришни истамайди.
У OpenAI’нинг ChatGPT-4ъни ишлаб чиқишда сезиларли ютуқларга эришганини таъкидлади, чунки бу тизим нафақат ўқий олади, балки юқори сифатли матнларни ҳам туза олади. Бундай технологияларнинг таълим ва тиббиётга жорий этилиши фантастик самара беради.
