Ўзбекистон Суперлигасида август ойининг энг яхши футболчиси номи "Сўғдиёна" ҳужумчиси Люпчо Дориевга насиб этди. Лига платформаларида эълон қилинган натижаларга кўра, шимолий македониялик футболчи ой давомида кўрсатган самарали ўйини орқали бу совринга лойиқ кўрилди. Бу ҳақда маҳаллий спорт нашрлари ҳам хабар тарқатди. "Сўғдиёна" футболчиси август ойида 5 та гол ва 3 та ассист қайд этгани таъкидланган.
Дориев август ойида жамоасининг ҳужум чизиғида асосий кучлардан бирига айланди. Унинг сермаҳсул ўйини "Сўғдиёна"нинг бир қатор муҳим очколар жамғаришига ёрдам берди. Айниқса, август бошида "Машъал"га қарши учрашувда ҳет-трик қайд этгани унинг ой давомидаги энг ёрқин ўйинларидан бири бўлди.
Соврин учун курашда Дориевдан ташқари "Навбаҳор" форварди Ҳусайн Норчаев, "Локомотив" вакили Суҳроб Нуруллоев, "Бухоро" футболчиси Владимир Родич ва "Нефтчи" яримҳимоячиси Владимир Йовович ҳам номзодлар сафидан жой олганди. Норчаев 5 ўйинда 6 гол урган, Нуруллоев 2 гол ва 2 ассист, Родич 3 гол ва 1 ассист, Йовович эса 5 ассист билан эътибор қаратган.
Шомуродов тўпурарлар баҳсида юқори кўтарилди
"Бунёдкор"да вазият жиддий
Баҳодир Жалоловнинг вазнида янги чемпион аниқланди!
