«Барселона» форварди Луис Суарес тез орада «Ювентус» футболчисига айланади. Уругвайлик футболчи шахсий шартномаси масаласида Турин клуби билан келишувга эришди, деб ёзади Marca.
Манбанинг хабар беришича, Суарес «Ювентус» билан «2+1» кўринишидаги шартномага имзо чекади. 33 ёшли форварднинг Италиядаги йиллик маоши барча солиқлардан ташқари соф 10 миллион еврони ташкил этади. Қайд этилишича, футболчига бу миқдордаги маошни тайинлашда Испаниядаги солиқ қонунидан фарқли равишда Италиядаги солиқ тизими қўл келган.
Футболчининг «Барса» билан амалдаги шартномасини бекор қилиш ишлари чўзилаётгани боис, Суареснинг Туринга келиши кечикмоқда.
Ўтган мавсумда уругвайлик футболчи клублар даражасида 36та ўйин ўтказиб, 21та гол урган ва 12та голли узатмани амалга оширган.
Маълумот учун, Суарес «Барселона»да йиллик 25 миллион евро маош оларди.
Ҳасанбой Дўсматов Россиядаги юришини ғалаба билан бошлади
«Пеналтини уролмаганидан кейин 3 кун ухлолмай чиқдим» — Президент Ўзбекистон U-23 жамоаси ҳақида гапирди
Ўзбекистон U23 терма жамоаси Париж олимпиадасига Канадалик ўзбекни олиб бормоқчи
