Собиқ жаҳон чемпиони Владимир Кличкони жангга чорлади

Ливанлик оғир вазнли боксчи Мануэль Чарр украиналик боксчи Владимир Кличкони жангга чорлади. У бу ҳақда ўзининг Instagram-аккаунти пост қолдирди.

Чарр 42 ёшли Кличконинг рингга қайтиши эҳтимолидан хурсандлигини билдирди. У украиналик боксчини расман жангга чорлашини маълум қилди.

19 март куни DAZN стриминг платформаси Владимир Кличкога рингга қайтиши учун 80 млн долларлик шартнома таклиф қилди. Компания унга 3 та жанг ўтказиши учун шунча пул тўлашга тайёр.

Кличко сўнгги бор 2017 йилда рингга чиққан ва британиялик Энтони Жошуага мағлуб бўлган.

34 ёшли Чарр WBA йўналишида мунтазам жаҳон чемпиони ҳисобланади. У 35 ғалабага эришган ва тўрт марта мағлубиятга учраган.

Manba: oxo.uz