Словакия ахборот хизмати разведкаси раҳбари Украина фуқароси ҳамда Словакия ва Венгрия фуқароси мамлакатнинг муҳим инфратузилмасига ҳужумларни режалаштирганликда гумон қилиниб, ҳибсга олинганини маълум қилди.
Хабарга кўра, хизмат раҳбари Павол Гашпар матбуот анжумани чоғида ҳибсга олинган икки шахс бошқа мамлакатлар разведка хизматлари билан биргаликда тергов қилинаётган йирик халқаро гуруҳнинг аъзоси эканини айтди.
Гашпар ҳибсга олинганлар ҳақида қўшимча маълумот беришдан бош тортди, лекин расмийлар Словакия хавфсизлигига таъсир қилиши мумкин бўлган "ҳеч бўлмаганда разведка даражасида маълум бир гуруҳ шахсларнинг узоқ муддатли мувофиқлаштирилган фаолиятини ҳужжатлаштирганини" таъкидлади.
Унинг қўшимча қилишича, разведка хизматлари Словакия ва Чехияда бомба таҳдидларини уюштирганликда айбланган бир шахсни аниқлаган.
Сўнгги ойларда ҳар икки давлатда мактаблар, судлар ва бошқа жамоат биноларига бомба қўйиш таҳдидлари кўп кузатилган, бу эса ваҳима ва эвакуацияга сабаб бўлган.
