Карло Анчелотти мавсум якунига қадар "Реал"ни тарк этиши мумкин.
Sky Sports хабарига кўра, мураббий 26 апрель куни бўлиб ўтадиган Испания кубоги финалидаги класикодан сўнг лавозимини тарк этиши кутилмоқда. Ла Лиганинг қолган ўйинларида, жумладан, 11 май куни "Барселона"га қарши ўйинда Анчелотти жамоани бошқармайди.
"Реал" Чемпионлар Лигаси 1/4 финалида "Арсенал"га (1:2, 0:3) имкониятни бой бериб, турнирни тарк этди. Ла Лигада жамоа мавсум тугашига 7 тур қолганида "Барселона"дан 4 очко ортда қолиб, 2-ўринни эгаллаб турибди.
