“Сити” ва яна икки суперклуб ўртасида Винисиус учун кураш бошланди

Винисиус Жуниор айни пайтда ўз келажагини белгилаб берувчи муҳим қарор олдида турибди. Унинг “Реал” билан шартномаси 2027 йил ярмигача амал қилади, аммо янги шартлар бўйича ҳали келишувга эришилмаган.

Бу ҳолат Премьер-лиганинг уч гранди – “Челси”, “Манчестер Юнайтед” ва “Манчестер Сити” қизиқишини уйғотди. Улар ёзда уни сотиб олиш бўйича таклиф тайёрламоқда.

Охирги “эл-класико”дан кейин бразилиялик юлдузнинг хулқ-атвори ОАВ ва мухлислар ўртасида муҳокама мавзусига айланди. Бу ҳолат Винисиуснинг келажагига таъсир қилиши айтилди.

Ҳозир инглиз клублари уни диққат билан кузатмоқда. Британия ОАВ маълумотларига кўра, Винисиус ўзини етарлича қадрланмаган, деб ҳис қилмоқда ва бу унинг кетиш эҳтимолини оширмоқда.

“Челси” 25 ёшли ҳужумчини янги лойиҳасининг марказига айлантирмоқчи, “Манчестер Юнайтед” эса, уни жамоа қайта тикланишининг рамзи сифатида кўрмоқда. “Манчестер Сити” Винисиус ёрдамида ҳужумга тезлик ва янгича шиддат қўшмоқчи.

Ҳар уч клуб уни олишни хоҳласа-да, Винисиуснинг юқори маош талаби ва “Реал” белгилаган катта бадал тўлови музокараларни қийинлаштиради.

Экспертларнинг таъкидлашича, бу масалада кўп нарса Винисиус Жуниорнинг қандай қарорга келишига боғлиқ бўлади.