Швейцарияда музлатилган Россия активларининг Украинага ўтказилиши қонунни бузади, деди Швейцария Иқтисодиёт, таълим ва тадқиқот вазири Гай Пармелан Le Matin Dimanche газетасига берган интервьюсида.
Пармелан Швейцариядаги мулк ҳуқуқини асосий деб атади ва бу мамлакат конституцияси билан кафолатланганини қўшимча қилди.
“Шундай қилиб, бир давлатдан ёки жисмоний шахслардан бошқасига ўтказиш учун пул олиш, мавжуд қонунчилик базасини ҳисобга олган ҳолда имконсиздек туюлади”, — дея унинг сўзларини келтиради РИА Новости.
Пармеланнинг таъкидлашича, Швейцария конституциявий давлат бўлганлиги сабабли қонунга риоя қилишга мажбурдир.
