Швейцария ва Киев Украинани тиклаш масалаларини муҳокама қилди

Швейцария президенти Карин Келлер-Суттер Бернда Украина Бош вазири Юлия Свириденко билан учрашди, томонлар Украина атрофида тинчлик жараёни истиқболларини муҳокама қилдилар.

Бу ҳақда Швейцария ҳукумати портали хабар бермоқда.

Маълумотларга кўра, Карин Келлер-Суттер Швейцария Украинада халқаро ҳуқуқ ва Бирлашган Миллатлар Ташкилоти Низоми асосида адолатли ва мустаҳкам тинчликка эришишда ёрдам беришга тайёрлигини таъкидлаган.

Бундан ташқари, Келлер-Суттер ва Свириденко Федерал Кенгашнинг Украина бўйича делегати Жак Гербер ва Украинани тиклаш жараёнига катта ҳисса қўшаётган Швейцария бизнеси вакиллари билан ҳам фикр алмашдилар.