Шри-Ланка полицияси мамлакат разведка хизматининг собиқ раҳбари генерал-майор Суреш Суллини 2019 йилда тахминан 270 кишининг ҳаётига зомин бўлган худкушлик портлашлари билан боғлиқликда ҳибсга олди.
Бу ҳақда AP ахборот агентлиги полиция вакили Фредрик Вутлерга таяниб хабар берди.
Унинг сўзларига кўра, полиция худкуш террорчиларни "Исломий давлат" (ИД) илҳомлантирган деб ҳисоблайди. Жиноят қидирув департаменти Суллининг ҳужумлар билан боғлиқ "алоқалари ёки камчиликлари"ни текширмоқда.
2019 йил 21 апрель куни иккита исломий гуруҳ деярли бир вақтнинг ўзида Пасха якшанбасида черковлар ва етакчи сайёҳлик меҳмонхоналарини нишонга олган ҳолда олтита худкушлик портлашини амалга оширди. Ҳужумчилар томонидан олинган видеолавҳаларда уларнинг ИД гуруҳига содиқлик қасамёдини ўқиётганликлари кўрсатилган.
Уйига фақат тунда келишни одат қилган қарздорга МИБ "сюрприз" қилди
Трамп: "Менга мамлакатни вайрон қилиш ҳуқуқи берилган”
Ўзбекистонликлар учун Қатарда ишлаш имконияти яратилди
