Германия федерал президенти Франк-Вальтер Штайнмайер янги Бундестаг ишининг бошланиши муносабати билан канцлер Олаф Шольц ва унинг ҳукумат аъзоларини расман ишдан бўшатди.
Тантанали маросим Бельвю қасрида бўлиб ўтди, унда Штайнмаер Шольц ва унинг кабинетининг 14 нафар вазирига ишдан бўшатилганлик ҳақидаги мактубларни топширди.
Президент Шольц ҳукумати қатор жиддий муаммоларга дуч келганини, жумладан, COVID-19 пандемияси, Украинадаги уруш, Ғазодаги можаро ва энергетика инқирозини қайд этди.
"Сиз федерал ҳукумат сифатида тез ва қатъий ҳаракат қилишингиз керак эди. Сизнинг меҳнатингиз ҳурматга лойиқ", - деди Штайнмайер.
Шунингдек, у Шольц ҳукуматининг ҳаракатлари Германиянинг мудофаа қобилиятини яхшилаш, энергия таъминотини барқарорлаштириш ва қочқинларни қабул қилишни ташкил этиш имконини берганини таъкидлади.
Расмий истеъфога қарамай, Федерал президент илтимосига кўра, Шольц кабинети янги ҳукумат тузилмагунча ўз фаолиятини давом эттиради. Германиянинг асосий қонунига кўра, бу мамлакатда барқарорликни таъминлаш учун зарур.
Коалициянинг янги ҳукумат тузиш бўйича музокаралари давом этмоқда. Немис ОАВларининг ёзишича, агар Христиан-демократик иттифоқ етакчиси Фридрих Мерц ҳамкорлар билан келишувга эриша олса, Пасха байрами олдидан янги вазирлар маҳкамаси тузилиши мумкин.
Россия ҳарбийлари Украина Қуролли кучларининг қурол заводи ва аэродромига зарба берди
Макгрегор етти йилни панжара ортида ўтказиши мумкин
Эрон ТИВ вазири: "Эрон урушга тайёр!"
