Шимолий Корея Япония денгизи томон узоқ масофали баллистик ракетани учирди, деб хабар берди Япония ва Корея ҳарбийлари. Снаряд бир соатдан ортиқ учиб, сувга қулаган.
Жанубий Корея Қуролли кучлари штаб бошлиқлари бирлашган қўмитаси маҳаллий вақт билан соат 10:00да учиришни қайд этди, деб хабар беради Yonhap. Жанубий Корея ҳарбийлари Қўшма Штатлар билан “яқин ҳамкорликда” тўлиқ шай ҳолатда эканлигини маълум қилди.
Япония Мудофаа вазирлиги ракетанинг сувга қулаганини қайд этди. Аввалроқ ҳарбийлар мамлакатнинг 550 кмлик эксклюзив иқтисодий зонасидан ташқарига чиқиб кетишини башорат қилганди, деб хабар бермоқда NHK . Балиқ овловчи қайиқларга ҳалокатни кўрганларида яқинлашмаслик тавсия қилинди. Мудофаа вазирлиги қитъалараро баллистик ракета тик траектория бўйлаб учирилганини истисно қилмайди. Япония Вазирлар Маҳкамаси Бош котиби Хироказу Матсунонинг айтишича, Токио Пхенянга кескин норозилик билдирган.
КХДР охирги марта 15-июн куни ракета учирди. Узоқ масофали ракеталарнинг охирги учирилиши 13-апрел куни бўлиб ўтди. Умуман олганда, Пхенян 2023-йил бошидан бери 12 та баллистик ракета учиришни амалга оширди.
