Жума куни яна бир жуфт Америка узоқ масофали бомбардимончи самолётлари Япония томон йўл олгани кузатилди. Бу Шимолий Корея АҚШни "вазиятни кескинлаштириш" ва "қарама-қаршиликни қўзғатиш"да айблаган кундан кейин содир бўлди.
Сешанба куни АҚШ Ҳарбий-ҳаво кучларининг иккита Б-1Б бомбардимончи самолёти Жанубий Кореяда машғулотлар ўтказиш учун учиб борди ва Японияда биринчи ротацион Бомбардимончи ишчи гуруҳини жойлаштириш вазифаси доирасида Мисава ҳаво базасига етиб келди.
АҚШ ҳарбий кучлари тез-тез ўз ресурсларини, жумладан, авианосецлар, ядро сув ости кемалари, бомбардимончи самолётлар ва разведка самолётларини Корея ярим ороли атрофида сафарбар этиб, АҚШ, Япония ва Жанубий Кореяга таҳдид қилишни давом эттираётган ядровий қуролланган Шимолий Кореяга қарши тийиб турувчи куч сифатида хизмат қилмоқда.
Ҳарбий самолётларни кузатувчи томонидан қайд этилган радиоалоқага кўра, иккита B-1B бомбардимончи самолётдан иборат иккинчи гуруҳ Россиянинг Узоқ Шарқидаги Камчатка ярим ороли яқинидаги Шимолий Тинч океани устидан учиб ўтиб, 25-2-сонли Бомбардимончи Вазифа Кучи миссияси учун Мисава ҳаво базаси томон йўл олган.
Бу Японияга жойлаштирилан B-1B бомбардимончи самолётлари сонини тўрттага етказади. Lancer номи билан ҳам танилган бу бомбардимончи самолёт ядровий қурол билан жиҳозланмаган бўлса-да, у 75 минг фунт оддий қуролни таший олади ва қитъалараро парвоз масофасига эга, деб расмий маълумотлар варақасида кўрсатилган.
АҚШ Украинада абадий уруш ўтказиш истагини эълон қилди
Хотира ва қадрлаш кунида Ўзбекистон байроғи билан чиққан ёшлар руспарастлар қаршилигига учради
Путиннинг "ярашув"и тугади. Уруш яна бошланмоқда
