ЦАХАЛ Бош штаб Разведка бошқармаси бошлиғи Аарон Ҳалива Исроил учун кутилмаган 7 октябр кунги ҲАМАСнинг кенг кўламли ҳужум уюштиришига сабаб бўлган разведкадаги муваффақиятсизликларни ўз бўйнига олди.
"Менинг қўмондонлигимдаги Ҳарбий разведка бошқармаси ҲАМАС томонидан амалга оширилган теракт ҳақида огоҳлантира олмади", — деб ёзади Аарон Халива ҳарбийларга йўллаган ва Исроил ОАВлари томонидан чоп этилган мактубида.
"Биз энг муҳим вазифамизни бажара олмадик ва Мудофаа разведка бошқармаси раҳбари сифатида мен муваффақиятсизлик учун тўлиқ жавобгарликни ўз зиммамга оламан" — дея таъкидлади Халива.
У шунингдек, "чуқур ва кенг қамровли" тергов олиб борилишини, аммо энди ЦАХАЛнинг ягона вазифаси "жавоб қилиш ва ғалаба қозониш" эканлигини қўшимча қилди.
