Агар Ангола ва Нигерия нефть қазиб олишни қисқартириш бўйича ОПЕК+ доирасидаги мажбуриятларга амал қилмайдиган бўлса, Саудия Арабистони уларга қарши нарх урушини бошлайди. Бу ҳақда Dow Jones агентлигидаги манбалар маълум қилди, деб хабар бермоқда РИА Новости.
Саудия Арабистони энергетика вазири Абдулазиз бин Салмон ол-Сауд 18 июнда бўлиб ўтган ОПЕК+ мамлакатлари видеоконференциясида ана шундай фикр билдирган.
У агарда икки қоидабузар келишувга қарши борадиган бўлса, қироллик нефть нархини кескин тушириши ва уларнинг мавқеини издан чиқариб юборишини айтган.
«Харидорингиз кимлигини биламиз», — деб таъкидлаган вазир Ангола ва Нигерия вакиллари позициясини изоҳларкан.
Саудия Арабистони июнь бошларида ОПЕК+ келишувига риоя қилмаган мамлакатларни жазолашини билдирганди. Ўшанда май ойида ўз квоталарини бажара олмаган, аммо июлда буни уддалашга ваъда берган Ироқ, Нигерия, Ангола ва Қозоғистон ҳақида гап борганди.
Ўғри божхоначилар 26 тонна олтин билан қўлга тушди
Арманистон шу йилнинг ўзидаёқ Европа Иттифоқига киришга тайёр
Германия ва Швеция ҳарбий ҳамкорликни кучайтирмоқчи
