Санкт-Петербургнинг Калининский туманидаги ўрта мактаб ўқувчиси мактабга пневматик қурол олиб келиб, деворларга қарата ўқ отишни бошлади.
Бу ҳақда Россия ОАВлари хабар бермоқда, деб ёзади «Репорт».
Ҳодиса Санкт-Петербург шимолидаги мактаблардан бирида содир бўлган. Хуллас, 14 ёшли ўсмир мактабга пневматик тўппонча олиб келган. У танаффус пайтида деворга ўқ узганидан завқланган.
Маълумотларга кўра, ҳодисага ҳуқуқ-тартибот гуруҳи жалб қилинган. Ўқувчига нисбатан безорилик моддаси бўйича жиноий иш қўзғатилиши мумкин.