АҚШнинг Калифорния штати Сан-Диего ҳудудида кичик хусусий самолёт уй устига қулаб тушди. Ҳозиргача ҳодиса оқибатида уч кишининг ҳалок бўлгани ва саккиз кишининг тан жароҳати олгани маълум. Бу ҳақда ABC News хабар берди.
АҚШ Федерал фуқаролик авиацияси бошқармаси маълумотига кўра, Cessna 550 русумли кичик самолёт маҳаллий вақт билан тахминан тонгги 3:45 атрофида қўнишга бир неча сония қолганида қулаган. Самолёт бортида олти киши бўлган.
Маълум қилинишича, самолёт Sound Talent Group мусиқа агентлигининг ҳаммуассиси Дэйв Шапирога тегишли бўлган. Агентлик унинг ҳалокат оқибатида вафот этганини тасдиқлаган.
Фото: KGTV
Сан-Диего ёнғин хавфсизлиги бошқармаси ёрдамчи раҳбари Дэн Эдди матбуот анжуманида беш киши тутундан заҳарланиш билан шифохонага ётқизилганини, яна бир киши деразадан чиқишга уринаётганда тан жароҳати олганини маълум қилган. Яна икки кишига енгил шикаст етган.
Эддининг айтишича, самолётнинг қулашига тонгда бу ҳудудда кузатилган қуюқ туман сабаб бўлган бўлиши мумкин.
Нашрнинг ёзишича, самолёт ҳалокати катта ёнғинга сабаб бўлган. Оқибатда 10 та бино ва бир нечта автомобиль зарар кўрган. Улардан бири тўлиқ вайрон бўлган.
Самолёт бортидаги аниқ қурбонлар сони ҳозирча номаълум. Қидирув-қутқарув ишлари давом этмоқда.
Покистон ва Афғонистон ўртасида қуролли можаро бошланди
Зеленский Кличконинг сўзларидан сўнг жиддий огоҳлантириш юборди
Австрия Истанбулдаги музокаралардан сўнг Зеленскийнинг тақдири даҳшатли бўлишини башорат қилмоқда
