Маълум қилинишича, Қўштепа туманида 1994 йилда туғилган ҳайдовчи ўзининг Lacetti автомобилида келаётган вақтида бошқарувни йўқотиб қўйган. Оқибатда 57 ёшли фуқарога урилиб, унинг дарвозасигача тўқнашган. Бу ҳақда "Миллар" дастури хабар қилди.
Пиёда олган оғир тан жароҳатлари сабаб воқеа жойида вафот этган.
Фарғона вилояти ИИБ ЙҲХБ Матбуот хизматининг хабарига кўра, ҳолат юзасидан ЖКнинг 266- моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда.
