Шу йилнинг 8 май куни Венеция биенналесида Ўзбекистон Миллий павильонининг расмий очилиши ва қабул маросими бўлиб ўтди. Унда Президент ёрдамчиси Саида Мирзиёева иштирок этди.
— Бу йил Тошкентнинг ёнгинасида жойлашган “Қуёш” геомажмуаси ғоясини ўзимиз билан олиб келдик. Павильонимиз мавзуси ўзида муҳандислик фанлари, шаҳаршунослик, биология ва сунъий интеллектни бирлаштирган ва “Интеллигенс. Табиий. Сунъий. Коллектив” дея номланган биеннале мавзусига тўла мос келади, — деб ёзди Саида Мирзиёева ўзининг Телеграм каналида.
Президент ёрдамчиси ноёб “Қуёш“ объектининг ролини қайта кўриб чиқишни таклиф этди. Уни нафақат сақлаб қолиш, балки глобал ва илмий мунозараларга киритишни қайд этди.
Бу Венеция биенналесидаги бешинчи экспозициямиз. Ҳар сафар биз она юртимизнинг кўз илғамас қадриятларини, тарихга эҳтиром, илм-фанга бўлган муҳаббатини кўрсатиб, жаҳон ҳамжамиятини ҳайратга солишда давом этамиз, дейди у.
Президент ёрдамчиси ушбу лойиҳага ўз куч-ғайрати, ижоди ва Ўзбекистонга бўлган муҳаббатини бахш этган жамоага миннатдорчилик билдирди.
77 марта қоидабузарлик қилган Шухрат Мусаевнинг «Lacetti»си топилди
Исроилга таҳдид: "Мамлакат фалаж қилинади"
Афғонистон дунё давлатларига мурожаат қилди
