Рўзиқул Бердиев — Гвардиоладан юқорида!

Дунёнинг 55 та чемпионати орасида энг узоқ вақтдан бери ўз клубини бошқараётган мураббийлар рейтинги эълон қилинди.

Қувонарлиси, "Насаф" бош мураббийи Рўзиқул Бердиев ушбу рўйхатда 3-ўринни эгаллади. У Қарши клубини 2012 йил январидан бери бошқариб келмоқда — 14,3 йил.

Рейтингда етакчиликни Франк Шмидт эгаллаб турибди. У “Ҳайденҳайм”ни 18,6 йилдан бери бошқармоқда.

2-ўрин эса Диего Симеонега насиб қилди. “Атлетико” устози жамоада 2011 йилдан бери фаолият олиб бормоқда.

Қизиқ жиҳати шуки, ҳамюртимиз Рўзиқул Бердиев бу кўрсаткич бўйича "Манчестер Сити" устози Хосеп Гвардиолани ортда қолдирмоқда.

ТОП-10 рейтинг билан танишинг.