Россиянинг Уляновск шаҳридаги турар-жой биносида юз берган ёнғинда камида 3 киши ҳалок бўлди, яна 3 киши куйиш ва заҳарланиш аломатлари билан касалхонага ётқизилди.
Бу ҳақда худди шу номдаги вилоят губернатори Алексей Русских ўзининг телеграм-каналида маълум қилди.
"Ҳалок бўлганлар сони 3 нафарга етди, куйиш жароҳати олган ва ёниш маҳсулотларидан заҳарланган 3 киши Марказий шаҳар клиник шифохонаси ва ихтисослаштирилган даволаш марказига етказилди”, — деб ёзади вилоят ҳокими.