Америкадаги Урушни ўрганиш институти (ISW) Россия армиясининг танк ва зирҳли техника захиралари 2025 йил охиригача етишини тахмин қилмоқда. Россия эса фронтда мотоцикл ва вездеходлардан фойдаланишни кучайтирмоқда.
Россия Украинанинг дрон ҳужумларига жавоб сифатида фронт чизиғида танклар ўрнига тобора кўпроқ мотоцикл ва вездеходлардан фойдаланмоқда. Америкадаги Урушни ўрганиш институти (ISW)нинг 15 июн куни эълон қилинган ҳисоботига кўра, Россия захираларидаги танк ва бронетехника миқдори сезиларли камайган.
ISW манбаларига кўра, россиялик мустақил кузатувчи сунъий йўлдош суратлари орқали Россиядаги саккизта ҳарбий омбордаги техника захираларини таҳлил қилган. Унинг сўзларига кўра, бу омборларда Россия урушдан олдинги танк захираларининг 46 фоизи, пиёдалар жанговар машиналари (БМП)нинг 42 фоизи ва зирҳли транспортёр (БТР)ларнинг 48 фоизи қолган.
Таҳлилда таъкидланишича, омборлардаги кўплаб техника олдинги ойларда жанг майдонларига олиб чиқилган ва Россия эҳтимол 2025 йил охиригача қолган захираларини тўлиқ сарфлаб бўлади. 2024 йил декабр ойида бу кўрсаткич танклар учун 47 фоиз, БМПлар учун 52 фоиз, БТРлар учун эса 45 фоизни ташкил этган.
Шу билан бирга, Россия армияси фронтдаги ҳаракатчанликни ошириш ва дрон ҳужумларидан қочиш учун мотоцикл ҳамда вездеходлардан кенг фойдалана бошлаган. ISW экспертлари буни тактик мослашиш деб баҳоламоқда, чунки украин дронлари 2023–2024 йилларда Россиянинг кўплаб зирҳли техникасини йўқ қилган.
Танклар каби йирик ва секин ҳаракатланувчи техника воситалари дронлар учун осон нишон бўлиб қолмоқда. Шу сабабли Россия ҳарбийлари анча мобил ва ҳаракатчан мотоциклларга ўтишга мажбур бўлмоқда. Бу эса Россия қуролли кучларининг техник имкониятлари чекланаётганини кўрсатади.
Даҳшат! Эрон биринчи марта замонавий вертикал ракеталардан фойдаланмоқда
Ута Абе Диёра Келдиёровага "вызов" ташлади
Ниҳоят! Араб давлатлари Эрон — Исроил уруши борасида "тилга кирди"
