Россиянинг нефть ва газ экспортидан тушумлари қисқариши мумкин

Reuters: Россиянинг нефть ва газ экспортидан тушумлари ноябрь ойида 35 фоизга қисқариши мумкин.

Агентликнинг ёзишича, нефт-газ сотишдан тушадиган даромадлар Кремл учун асосий молия манбаи ҳисобланади ва бюджет даромадларининг чорак қисмини ташкил қилади. Reuters ҳисоб-китобларига кўра, 2025 йил ноябрь ойида бу даромадлар 520 млрд рублга (6,7 млрд доллар) — ўтган йилнинг шу ойига нисбатан 35% га камайиши мумкин.

Россия Молия вазирлиги аввал 2025 йилда нефт ва газ сотишдан 10,94 трлн рубль (142,2 млрд доллар) даромад олишни режалаштирган, аммо нефт нархининг тушиб кетиши сабаб прогнозни 8,65 трлн рублга (112,5 млрд доллар) туширган.

Нашр ҳисоб-китобларига кўра, рус нефтининг ўртача нархи январдан ноябргача баррел учун 57,30 долларгача пасайган, ўтган йилда эса бу кўрсаткич 68,30 доллар бўлган.

2024 йилда Россиянинг нефт ва газ экспортидан тушган даромадлари 11,13 трлн рублни (144,7 млрд доллар) ташкил этган.