Россиянинг Киевга берган зарбаси қурбонлари сони 23 кишига етди

Россиянинг 28 августга ўтар кечаси Киевга уюштирган оммавий зарбаси қурбонлари сони 23 кишига етди, улардан тўрт нафари бола.

Бу ҳақда Киев давлат ҳарбий бошқармаси бошлиғи Тимур Ткаченко ўзининг Telegram-каналида маълум қилган.

"Афсуски, Киевда ҳалок бўлганлар сони 23 нафарга етди", — деди у.

Аввалроқ 21 киши ҳалок бўлгани хабар қилинганди.

Украина пойтахти мери Виталий Кличконинг айтишича, ҳужумда камида 63 киши жароҳатланган, улардан 35 нафари касалхонага ётқизилган.