Украина президенти Зеленскийга ўзининг «ғалаба режаси»ни Украина парламенти олдида эълон қилганидан бир кун ўтиб Европа Иттифоқи етакчилари олдида тақдим этиш имконияти берилди.
Зеленскийнинг айтишича, саммит унинг «Россияни ҳақиқий дипломатияга мажбурлаш стратегиясини» муҳокама қилиш имкониятидир.
Унинг қўшимча қилишича, Европанинг Украинани қўллаб-қувватлаши одамлар ҳаётини сақлаб қолган, шу билан бирга « Европадаги уруш тажовузкорга фойда келтирмаслигини исботлаган».
«Биз биргаликда бу урушни тўхтатишимиз, украиналиклар ва халқларингиз учун тинчлик ўрнатишга зарур бўлган шартлар бажарилишини таъминлашимиз керак», — деди у.
Сўнг у «Путин урушни тугатиш учун эмас, балки уни давом эттириш учун қўшимча кучлар тайёрлаяпти», деди ва унинг Шимолий Корея, Хитой ва Эрондан ёрдам олаётганини таъкидлади.
Чоршанба куни берган ваъдасини такрорлар экан, у «агар ҳозир бошласак ва ғалаба режасига амал қилсак, урушни кейинги йилдан кечиктирмай тугатишимиз мумкин», деди.
«Россия олиб келган вайронагарчилик учун жавоб бериши керак», деди Зеленский.
Европа Украинани ҳам Исроилни ҳам хурсанд қиладиган қарор қабул қилди
Исроил Эронга зарба беришга тайёрланмоқда. Саудия Арабистонининг реакцияси
"Мен ядро қуролисиз дунё яратмоқчиман!"
