Россиялик серияли қотил озодликка чиқарилди

Россиялик серияли қотил Анвар Масалимов Уфадаги қамоқхонадан озодликка чиқарилди. Бу ҳақда Топор Live телеграм-канали хабар берди.

1980 йилда биринчи марта қотилликка қўл уриб, 15 йилга қамалган. 1991 йилда жазони ўташ колониясида яна одам ўлдирган. Интернетдаги очиқ маълумотларга кўра, ҳар икки қотилликни спиртли ичимлик таъсири остида амалга оширган.

1992 йилда отувга ҳукм қилинган, аммо 1998 йилда ўлим жазоси бир умрлик қамоққа алмаштирилган. 2016 йилда Масалимов озодликка чиқади, 1998 йилда эса ўзгага оғир тан жароҳати етказгани учун қамоққа қайтарилади.

Анвар Масалимов 2024 йилнинг 19 декабрида — 69 ёшни қаршилаган куни яна озодликка чиқди. Масалимов умрининг 37 йилини панжара ортида ўтказган.