Россиялик депутат, оғир вазн тоифасидаги собиқ жаҳон чемпиони Николай Валуев Россия томонидан келажакда яна бир нечта махсус операциялар ўтказилиши муқаррарлиги ва бу борада Александр Дугиннинг қарашларини тўғри деб ҳисоблашини билдирди.
"Бизни ҳали бир нечта махсус операциялар кутмоқда. Буюк файласуф Дугин ҳақ. Биз 30 йил давомида постсовет республикаларига “ширинликлар” улашдик, лекин бу ёрдам бермади. Энди қамчи керак бўлади. Шунинг учун ёшларни тайёрламоқдамиз. “Зумер”ларга спорт залига боришни ва эркакларга хос спорт турлари билан шуғулланишни маслаҳат бераман. Улар учун ҳам қаҳрамонлик даври келади, тез орада", — деди Валуев.
Эслатиб ўтамиз, аввалроқ “Рус дунёси” мафкурасининг асосчиларидан бири ҳамда кремльпараст пропагандачи Александр Дугин Собиқ СССР таркибида бўлган мамлакатлар, жумладан Ўзбекистоннинг ҳам мустақиллигини қабул қилиб бўлмаслиги ҳақида гапирганди.
Бундан ташқари, 10 январ куни россиялик телебошловчи, Кремлга яқин яна бир пропагандачи Владимир Соловьёв ўзининг жонли эфирида Украина ҳудудига уюштирилган “махсус ҳарбий амалиёт”ни “Россия таъсир доирасидаги бошқа ҳудудларда” ҳам, жумладан Марказий Осиё давлатлари ва Арманистонда ўтказиш зарурлигини айтганди.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
«Ман Сити» Чемпионлар лигаси ўйини учун қайдномасини эълон қилди
«Реал»дан истеъфога чиқарилган Хаби Алонсо яна Германияда иш бошлаши мумкин
