Россиядаги полигонда юз берган портлашда 12 нафар ҳарбий хизматчи ҳалок бўлди

Россия Федерациясининг Ростов вилоятидаги Кузминский ҳарбий полигонида портлаш юз берди, натижада 12 денгиз пиёдаси ҳалок бўлди.

Россия бюроси маҳаллий ОАВга хабар беришича, портлаш 3 ноябрь куни содир бўлган.

Ҳалок бўлганлар Приморск ўлкасидан келган ҳарбий хизматчилардир. Бу маълумотни 161.РУ мухбири учта манба (ҳуқуқни муҳофаза қилиш органлари, армия ва тергов идораларида) тасдиқлади.

Дастлабки сабаб сифатида ўқ-дорилар блоклари ёнида ёндирилган ёнғин вақтида хавфсизлик чораларига риоя қилинмагани айтилмоқда.