Сайлов 2024 йил 17 мартга белгиланган. Марказий сайлов комиссияси раҳбари Памфилованинг аниқлик киритишича, 8 декабрь куни Марказий сайлов комиссияси уч кун – 15, 16 ва 17 март кунлари Россия Президенти сайловларида овоз бериш бўйича қарор лойиҳасини кўриб чиқади.
Россия Федерацияси Кенгаши ялпи мажлисида мамлакатда президентлик сайловини 2024 йил 17 мартга тайинлаш тўғрисида қарор қабул қилинди, у расмий эълон қилинган пайтдан бошлаб кучга киради.
Қарор бир овоздан қабул қилинди. Унга 162 сенатор овоз берди.
Федерация Кенгашининг Конституциявий қонунчилик ва давлат қурилиши қўмитаси раҳбари Андрей Клишаснинг TASS'га айтишича, Федерация Кенгаши қарорининг кучга кириши аслида сайлов кампаниясини бошлайди. Бундан ташқари, сенаторнинг аниқлик киритишича, Россия Марказий сайлов комиссияси сайловни тайинлаш тўғрисидаги қарор эълон қилинган кундан бошлаб 10 кундан кечиктирмай кўп кунлик овоз беришни ўтказиш тўғрисида қарор қабул қилиши мумкин. Бундай қарор қайта кўриб чиқилмайди.
Сайлов қонунчилигига кўра, сайлов санаси тўғрисидаги қарор Федерация Кенгаши томонидан қабул қилинади. Парламентнинг юқори палатаси овоз бериш санасини сайлов кунига 100 кундан кечиктирмай ва камида 90 кун қолганда белгилайди.
