28 июль куни кечқурун Москванинг Олма-Ота кўчасидаги ётоқхонада содир бўлган ёнғин оқибатида саккиз киши ҳалок бўлди, деб хабар беради “ТAСС”.
Ёнғин ҳақидаги маълумот терговчиларга Тошкент вақти билан 01:47 да келиб тушган.
Фавқулодда хизматлардаги манбанинг айтишича, ҳалок бўлганларнинг барчаси муҳожирлар, ҳозирда уларнинг фуқаролиги аниқланмоқда. Бир киши қутқарилди, 200 киши эвакуация қилинди.
Ёнғин соат 00:47 да ўчирилган. Фавқулодда хизматлардаги манба барча жабрланганлар бир хонада бўлган ва ёниш маҳсулотларидан заҳарланиб вафот этганини маълум қилди. Ёнғин бошланганда улар ухлаб ётган бўлишлари мумкин.
Ёнғинга электр тармоғининг авария ҳолатида ишлаши сабаб бўлган, деразалардаги панжаралар, ёнғин ҳақида кечикиб келган хабар ва уни ўз-ўзидан ўчиришга уринишлар қурбонлар сонининг кўп бўлишига олиб келган, деди фавқулодда хизматлардаги манба.
Гувоҳларнинг сўзларига кўра, ётоқхонадан эвакуация чиқиш йўли тўсиб қўйилган.
Ёнғин натижасида жиноий иш қўзғатилди.