Россиянинг Амур вилоятида қурилаётган заводда кран ағдарилиб кетиши оқибатида 33 ёшли ўзбекистонлик фуқаро вафот этди.
Маълум қилинишича, ҳодиса 29 сентябрь куни Амур газ-кимё мажмуасида қурилаётган умумий завод иншоотларидан бирида содир бўлган.
Воқеа асосида тергов бўлими томонидан Россия Федерацияси Жиноят кодексининг 216-моддаси 2-қисми «Эҳтиётсизлик оқибатида инсон ўлимига олиб келган қурилиш ишларини бажаришда хавфсизлик қоидаларини бузиш» бўйича жиноий иш қўзғатилди, дея хабар беради Амур вилояти прокуратураси.
Иш юзасидан тергов Свободненский шаҳар прокуратураси назоратида.
