Россиянинг Лукьянов номидаги Ички ишлар вазирлиги институти ётоқхонасида курсантнинг жасади топилди. Унинг жасадида зўравонлик аломатлари бор эди. Бу ҳақда 7 июнь, душанба куни Ички ишлар вазирлиги хабар берди.
"Марҳум малака ошириш курси талабаси бўлган. У Россияга Афғонистондан келган ва иккинчи курсда бўлган", дея аниқлик киритади Mash телеграм канали. Курсант 26 ёшда эди.
Полиция ходимлари 25 ёшли гумонланувчини ҳибсга олишди. У марҳум билан ўқиган. Дастлабки маълумотларга кўра, ёшлар ўртасида шахсий муносабатлар асосида зиддият юзага келган. Аёл курсантга пичоқ билан жароҳат етказгани, натижада курсант ўлгани айтилмоқда.
Энди гумондорнинг айби тасдиқланса, у таълим муассасасидан ҳайдалади, раҳбарлари қатъий интизомий жавобгарликка тортилади. Жиноий иш қўзғатилган.
