Россия Украинага 103 та дрон билан ҳужум қилди

22-декабр, якшанбага ўтар кечаси Россия ҳарбийлари Украина ҳудудларига 103 та ҳужумчи дрон билан ҳужум қилди, 97 та дрон уриб туширилди ёки “маҳаллий даражада йўқолган”. Бу ҳақда Украина Қуролли кучлари Ҳарбий ҳаво кучлари маълум қилди.

Ҳарбий ҳаво кучлари ҳисоботида айтилишича, Киев вақти билан соат 10:00 ҳолатига кўра, 52 та дрон уриб туширилган ва 44 таси салбий оқибатларсиз “маҳаллий йўқолган”. Украина қуролли кучлари хабарига кўра, яна бир учувчисиз самолёт Беларус томон учган.

Россия ҳужуми натижасида Херсон, Николаев, Чернигов, Суми, Житомир ва Киев вилоятларида хусусий корхоналар, кўп қаватли уйлар ва мулкларга зарар етди, деб ёзади Украина қуролли кучлари. Ҳужум натижасида қурбонлар йўқ.

Бундан ташқари, Қримдан Херсон вилояти томон “Искандер-М” баллистик ракетаси учирилди”, — дейилади ҳаво кучлари хабарида. Украина ҳарбийлари у уриб туширилганми ёки зарба қандай оқибатларга олиб келгани ҳақида маълумот бермади.

Киев вилояти полициясининг хабар беришича, Россия ҳужуми натижасида дрон қолдиқлари кўп қаватли турар-жойлардан бирининг томига тушиб, лифт шахтасида ёнғин келиб чиққан. Қурбонлар йўқ. Бошқа бинонинг ойналари ҳам, машина ҳам шикастланган.