Россия Қуролли кучлари Украина билан чегарада “санитария зонаси” ташкил этмоқда. Бу ҳақда Россия Мудофаа вазирлиги хабар берди.
"Украина Қуролли кучлари бўлинмалари Курск вилоятидан сиқиб чиқарилгандан сўнг, ҳарбийларимиз Россия давлат чегараси бўйлаб хавфсизлик зонасини яратиш вазифасини бажаришга киришди", — дея маълум қилди Россия армияси “Шимол” қўшинлар гуруҳи матбуот маркази раҳбари Ярослав Якимкин.
"Ҳозирги пайтда ҳарбийлар кун сайин олдинга ҳаракатланиб, душманни давлат чегарасидан узоқлаштирмоқда — бу “санитария зонаси”ни ташкил этиш ва чегарадаги россиялик тинч аҳолининг хавфсизлигини таъминлаш учун амалга оширилмоқда", — дея таъкидлади Якимкин “Россия 1” телеканали эфирида.
Россия президенти Владимир Путин 22 май куни ҳукумат йиғилишида россиялик ҳарбийлар Россия–Украина чегараси бўйлаб “буфер зона” яратиш вазифасини бажараётганини маълум қилган эди.
Лавров "Бундай сўзларни айтиш учун сурбет одам бўлиш керак”
ХХР Данияга Россия билан ҳамкорликни тўхтатиш чақириғига "шапалоқ" билан жавоб қайтарди
Руслар Купянскни ер билан яксон қилди
