Россия учун қанча хитойлик жанг қилмоқда?

Reuters манбаларга таяниб хабар беришича, Россия томонида 200 га яқин хитойлик ёлланма аскар жанг қилаётган экан.

Америка расмийларининг айтишича, бу аскарларнинг ХХР ҳукумати билан тўғридан-тўғри алоқаси бўлмаса керак. Бундан ташқари, уларнинг тайёргарлиги жуда оз бўлиб, Россиянинг ҳарбий операцияларига сезиларли таъсир кўрсатмаётган экан.

Шу билан бирга, Ғарб разведкасининг собиқ ходими таъкидлашича, баъзи хитойлик ҳарбий зобитлар Пекиннинг рухсати билан фронт ортида бўлиб, урушдан тактик сабоқ олиш мақсадида жанговар ҳаракатларни кузатган. Улар олдинги чизиқларга ҳам ташриф буюришган.

Россия ТИВ раҳбари ўринбосари Андрей Руденко эса Россия армиясидаги хитойлик ёлланма аскарлар ҳақидаги маълумотни "мутлақо ёлғон" деб баҳолади: "Хитой Украинадаги вазиятни тартибга солиш бўйича жуда вазмин, мувозанатли ва пухта ўйланган позицияни эгаллаб турибди ва биз бунинг учун дўстларимиздан миннатдормиз."